ILOILO CITY – Ginkadlawan gid lamang sang Asia’s Pop Sweetheart nga si ulie Anne San Jose ang pamangkot kun bala may relasyon sila sang aktor nga si Rayver Cruz.
Suno kay Julie Anne, yara na siya subong sa maayo nga lugar kag malipayon kag si Rayver ang dapat nga magsabat kun bala, may relasyon ang mga ini.
Dugang pa sang singer nga suod niya nga abyan si Rayver kag gina-enjoy ang presensya sang isa kag isa.
Suno sa singer, ang music-related activities ang nakahiligan sang duha nga bonding kag masami man sila nga makaupod sa pag-practcie.
Ang duha ang ginalauman nga magkaupod sa mga madamo pa nga projects sa ila nga home network kag gina-groom nga amo ang masunod nga hot loveteam.
Sang ginpamangkot naman ini natuhoy sa pag-unfollow sini sa Instagram sa anay girlfriend ni Rayver nga si Janine Gutierrez, iya ginpahayag nga gina-follow pa niya ini kag wala siya sang isyu sa kaangay nga aktres.
