ILOILO CITY- Ginhikayan ni Iloilo City Mayor Jerry Treñas ang mga presidential bets nga nagpanawagan kay Vice-President Leni Robredo nga mag-withdraw sa presidential race.
Ini amo sanday Manila Mayor Isko Moreno Domagoso, Sen. Ping Lacson, anay Defense chief Norberto Gonzales, Sen. Manny Pacquiao, kag former presidential spokesman Ernesto Abella.
Sa interview sang Bombo Radyo kay Mayor Treñas, iya ginpahayag nga daw makaluluoy ang iya panan-awan sa nasambit nga presidentiable candidates.
Nagpabutyag man ini sang pagkadismaya kay Gonzales nga kaupod niya sadto sa Philippine Democratic Socialist Party (PDSP) bangud suno sa alkalde, wala sang logic ang luyag matabo sang anay Defense chief.
