ILOILO CITY – Personal nga nagpadulong ang aktres kag philanthropist nga si Angel Locsin agud nga maghatag sang relief goods sa mga pamilya nga apektado sang Typhoon Agaton sa Leyte.
Ginbisitahan ni Angel ang Baybay City Senior High School upod ang iya bana nga film producer nga si Neil Arce.
Si Angel ang masami nga nagahatag sang ayuda sa mga apektado sang kalamidad sa sulod na sang pila ka tuig.
Isa man siya sa mga sikat nga personalidad nga nagpanguna sang relief operations para sa mga frontliners kag worst-hit communities sa kasagsagan sang COVID-19 pandemic sa pungsod.
Ang aktres ang ginkilala sa gwa sang pungsod bangud sang iya humanitarian initiatives.
Kabahin siya sang “Heroes of Philanthropy” sa Forbes Asia sang 20109 kag ginkilala man bilang isa sa mga Most Influential” individuals sa Tatler Asia sang 2021.
