ILOILO CITY- Ginalauman nga mag-abot na sa Iloilo City sa Mayo ang una nga batch sang 800 ka units sang modernized jeepney sa idalom sang Iloilo City Loop Alliance of Jeepney Owners and Drivers Association (ICLAJODA) kag Western Visayas Transport Cooperative (WVTC).
Sa interview sang Bombo Radyo kay Mr. Raymundo Parcon, presidente sang ICLAJODA kag chairman sang WVTC iya ginpahayag nga 400 ka units ang ginapaabot sang kooperatiba tubtob nga makompleto ang 600 units nga magabyahe sa Iloilo City.
Suno kay Parcon, ang 200 ka units nga para sa provincial route ang magaabot sa Hunyo tubtob Hulyo subong nga tuig.
Pahayag ni Parcon, sa tion nga makompleto na ang tanan nga units, untaton na ang pagbyahe sang traditional nga mga jeep.
