ILOILO CITY – Liwat nga nakuha sang Barangay Ginebra ang kampeonato sa PBA Governor’s Cup finals matapos nga ginlampaso ang Meralco Bolts sa score nga 103-92.
Gindominar sang Ginebra ang best of seven finals sang nag-abanse sa serye nga 4-2.
Sa pagtakop sang second quarter, nagpatas pa ang sa score nga 47 sang duha ka team.
Diri na kag nagpamuntos sanday Justine Brownlee kag Scottie Thompson sa pagsugod sang third quarter.
Nagtapos sang kabug-usan nga 24 points kag 16 rebounds si Brownlee.
Si LA Tenorio ang naka-record sang game high nga 30 points samtang may 19 points kag 13 rebounds si Christian Standhardinger kag 15 points si Thompson.
Ini na ang ika-apat nga kapyerdehan sang Bolts sa Ginebra.
Si Brownlee ang nangin Best Import of the Conference samtang Best Player of the Conference si Thompson kag Finals MVP.
Ang kampyeonato sang Ginebra ang ika-24 na nga overall PBA title ni coach Tim Cone kag ika-18 para sa import-laden conference.
