Sa mga nagapangita sang trabaho, amo na ini ang inyo kahigayunan!
Nag-anunsyo ang Department of Labor and Employment (DOLE) nga may yara sang 12,000 ka job vacancies nga pwede gid maaply-an sang mga tawo sa Labor Day job fair nga iga-organisar sang ahensya.
Suno kay Labor Secretary Silvestre Bello, sa 12,000 ka mga trabaho nga itanyag sa Mayo 1, ang 2,000 ang iga-hire on the spot.
Magluwas diri, mismo sa Mayo 1, mangin operational naman ang Overseas Filipino Workers (OFW) Hospital.
Diri pwede mabulong sang libre ang mga OFWs kun may yara sang sakit amo man ang medical certificates and laboratory exams.
Mangin libre man pati na ang legal dependents sang OFWs apang may yara pa sang ginahitso nga guidelines.
Nagpasalig man ang ahensya nga magapadayon ang paghatag sang bulig sa mga Pinoy agud nga maka-trabaho.##
