ILOILO CITY – Nagpasakop sa Simultaneous Logistical Readiness Test and Dispatch Ceremony sang headquarters sang Philippine National Police (PNP) ang Police Regional Office (PRO)- VI, kahapon.
Sa interview sang Bombo Radyo kay Pol. Lt. Col. Arnel Solis, spokesperson sang PRO VI, iya ginpahayag nga kaupod sang provincial police offices kag city police offices nga subordinates units sini sa bilog nga Western Visayas, gin-display sang PRO-VI ang logistical capability kag equipment kaangay sang four-wheeled vehicles, trucks, ambulance, motorsiklo, SWAT vans kag shoot and communication capabilities.
Sa amo nga aktibidad, nagpatigayon sang blessing ang Regional Chaplain sa gin-display nga mga salakyan kag iban pa nga equipment.
Suno kay Solis, handa na ang PRO VI para sa deployment sang kapulisan sa maabot nga May 9, 2022 national and local elections.
Ginalauman suno sa natungdan nga magapatigayon sang send-off ceremony sa masunod nga semana.
