ILOILO CITY – Nagdangat na sa masobra 70% sang mga kapulisan sa Western Visayas nga kwalipikado para sa local absentee voting (LAV) ang nakatigayon nga magboto sa una nga duha ka adlaw.
Sa interview sang Bombo Radyo kay Pol. Lt. Col. Arnel Solis, spokesperson sang PRO VI, iya ginpahayag nga sa 4, 247 nga kwalipikado, 3,042 na ang nakaboto ukon 71.45%.
Sa data sang PRO-VI, sa Aklan Police Provincial Office, maya yara na sang 241 nga kapulisan nga nagboto; 173 sa Antique PPO; 206 sa Capiz PPO; 93 sa Guimaras PPO; 1, 124 sa Iloilo PPO kag 1, 205 sa Negros PPO.
Si PRO VI Director PBGen. Flynn Dongbo naman ang nakatigayon na nga mag-cast sang iya boto.
