ILOILO CITY – Gin-release na sang Land Bank of the Philippines ang P1.51 billion para sa loan sang rice farmers sa idalom sang Rice Competitiveness Enhancement Fund (ERCA-RCEF).
Suno sa Land Bank, kabug-usan nga 9,126 rice farmers kag kooperatiba ang maka-avail sang loan as of March 31, 2022 pinaagi sa ERCA-RCEF.
Ginpahayag dugang sang bangko nga naubos na release ang allocated program fund humalin sang 2019 tubtob 2021 sa idalom sang ERCA-RCEF in partnership sa Department of Agriculture (DA) agud nga mabuligan ang mga small scale farmers bangud sa pagnubo sang presyo sang humay dugangan pa sang COVID-19 pandemic.
Ang ERCA-RCEF ang isa ka credit facility nga may tinutuyo nga ma-boost ang productivity kag income sang magagmay nga rice farmers kag mahagan-hagan ang impact sang Republic Act No. 11203 ukon ang Rice Tariffication Law (RTL).
Sa idalom sang sini nga programa, ang mga individual farmers ang mahimo nga makahulam sang tubtob 90% sang ila total project cost nga may manubo nga interest nga 2% sa kada tuig.
