QUEEN THINGS! Ini ang ginpakita sang beauty queen nga si Michelle Dee apisar nga wala sini nakuha ang Miss Universe Philippines crown subong nga tuig.
Sa isa ka Instagram post, gin-dayaw ni Michelle si Miss Universe Philippines 2022 Celeste Cortesi, kag nag-ako nga pareho sila nga nag-manifest para sa amo nga crowning moment.
Apang suno kay Michelle, pareho sila nga nakahibalo nga isa lang sa ila ang magadaog.
“No one can take her destiny away from her because she is queen well-deserved and a true friend for that matter as well. Glad to have shared this moment with you just like we manifested,” pahayag ni Michelle.
Sa coronation night sang nagligad nga Abril 30, nakuha ni Michelle ang Miss Universe Philippines Tourism award.
Antes sang pageant, pareho na sila nga titleholders ni Celeste. Si Michelle ang Miss World Philippines 2019 samtang si Celeste naman ang Miss Earth Philippines 2018.
Nag-komento naman si Celeste nga tuman man ang iya nga kalipay nga nakakita siya sang abyan sa persona ni Michelle, kag gintawag sini si Michelle nga amazing and truly a queen.
“More than anything else, I’ve found a friend and couldn’t be happier to share this experience with you and Kat. You are amazing and truly a queen,” pahayag sang newly-crowned Miss Universe Philippines. ##
