ILOILO CITY – Magapatigayon sang simultaneous multi-agency send-off and turn-over ceremonies para sa 2022 national and local elections sa Police Regional Office (PRO)- VI grounds.
Sa interview sang Bombo Radyo kay Pol. Lt. Col. Arnel Solis, spokesperson sang PRO VI, iya ginpahayag nga ang nasambit nga ceremony ang paga-updan sang Philippine National Police (PNP), Commission on Elections (COMELEC), Philippine Army kag Philippine Coast Guard (PCG).
Suno pa kay Solis, ang mga personnel ang i-deploy para sa maabot nga eleksyon sa madason nga semana.
Samtang, wala naman sang election-related incident nga na-record ang kapulisan kag nagalaum sila nga mangin matalunsay ang paghiwat sang eleksyon.
