ILOILO CITY – Ginaduso sang Department of Finance (DOF) nga mag-remit sang value-added tax (VAT) sa tanan nga transaction sa ila platforms ang dalagko nga foreign digital service providers (DSP) sa Bureau of Internal Revenue (BIR).
Suno kay Finance Director Euvimil Nina R. Asuncion, suportado sang DOF ang House Bill (HB) No. 7425 nga may tinutuyo nga mag-impose sang 12 percent VAT sa digital sale of services kaangay sang advertisements, subscription services, kag supply sang electronic kag iban pa nga online services.
Apang ginklaro sang DOF nga ang mga non-residents ukon foreign-based entities lamang ang may butangan sang VAT.
Ginpasalig man ni Asuncion nga ang gobyerno ang maga-impelent sang simplified online registration foreign DSPs para lamang sa VAT kaangay sang registration procedures sa iban nga jurisdiction.
Pahayag dugang ni Asuncion, ang tinutuyo sang nasambit nga hagna amo nga mapanubu-an ang balor kag risgo para sa tax authorities para sa pag-administer, pagpatuman sang polisa kag pag-collect sang VAT sa nagataas nga volume sang online sales.
