ILOILO CITY – Padayon ang ginapatigayon nga interdiction operation sang Philippine Drug Enforcement Agency (PDEA)- VI sa mga terminal, airports, ports kag seaports sa Western Visayas.
Sa interview sang Bombo Radyo kay Graziella Tanaleon, spokesperson sang PDEA-VI, iya ginpahayag nga ginatinguhaan sang ahensya nga madugangan pa ang narcotic detection dogs agud nga may yara sang mga K-9 dogs sa tanan nga mga entry points kag tanan nga pasahero kag bagahe ang ma-inspect.
May yara na sang dalagko nga mga interception ang ahensya ilabi na sa Negros Occidental kaangay sang bulto-bulto nga droga ang na-recover.
Ginapasigurado man sang PDEA nga mas pabaskugon pa ang implementasyon sang mga interdiction activities agud nga mapabalin nga drug-free Western Visayas.
