ILOILO CITY – Ginlunsyar sang Department of Trade and Industry (DTI) ang bag-o nga loan program para sa micro, small, and medium-sized enterprises (MSMEs).
Ang RiseUP program ang bukas para sa MSMEs nga involve sa key sectors kaangay sang fast-moving consumer goods kag turismo nga may tinutuyo nga mag-level up kadungan sang pagbangon sang pungsod sa epekto sang COVID-19 pandemic.
Suno kay Trade Secretary Ramon Lopez, ang mayor nga tinutuyo sang RiseUP Program amo nga makabulig sa mga MSMEs nga makatibawas sa epekto sang pandemya.
Sa idalom sang sini nga programa, ang MSMEs sa bisan ano man nga industriya ang mahimo nga mag-apply sang loan nga nagabalor sang P10,000 tubtob P5 million nga mahimo bayaran tubtob sa tatlo ka tuig.
Ang grace period ang tubtob sa isa ka tuig kun ang loan ang nagdangat sa P300,000 ukon mas manubo pa.
Kun ang laon ang nagdangat sa masobra P300,000, ang grace period ang mahimo nga maglapaw sa isa ka tuig ukon katunga sang repayment period.
Agud nga mangin kwalipikado sa loan, dapat nga ginapanag-iyahan sang Filipino ang negosyo kag at least isa na ka tuig.
