ILOILO CITY – Nagpanguna sa pagka-alkalde sa banwa sang Dumangas, Iloilo si 4th district representative Braeden John “BJ” Biron.
Si Biron ang nakakuha sang 21,722 nga boto samtang 20,052 naman ang nakuha nga boto sang iya kasumpong nga si Ian Dolutan.
Sa interview sang Bombo Radyo kay Biron, iya ginpahayag nga nakibot siya sang nangin resulta sang eleksyon.
Nagpasalamat man ini sa iya pamilya, sa tanan nga lideres kag mga supporters.
Ginasumpa ni Biron nga ihatag niya ang isa ka hayag, matinlo kag progresibo nga serbisyo publiko.
Kun magapungko na ini bilang alkalde sang Dumangas, tutukan niya ang ikaayong lawas, ekonomiya kag pangabuhian.
Samtang, tuman ang pagpasalamat ni Dumangas, Iloilo mayor Ronaldo “Onal” Golez sa pumuluyo sang banwa sa liwat nga paghatag sang suporta kag pagsalig.
Sa resulta sang eleksyon, nakakuha sang 21,517 nga boto si Onal samtang, 18,014 naman ang nakuha sang iya nga kasumpong.
Sa interview sang Bombo Radyo kay Gonzales, iya ginpahayag nga malipayon man ini nga nangin malinong ang ginhiwat nga eleksyon.
Ginpasalig sini nga padayunon niya upod kay Congressman BJ Biron ang mga proyekto nga wala niya natapos sa iya termino bilang akalde.
