ILOILO CITY – Wala sang may na-record nga insidente ang 3rd Infantry Division kadungan sang ginpatigayon nga national and local elections.
Sa interview sang Bombo Radyo kay Capt. Kim Apitong, spokesperson sang 3rd Infantry Division, iya ginpahayag nga apisar may na-record nga shooting incident sa probinsya sang Iloilo apang may kaangtanan sa lehitimo nga operasyon sang kapulisan kag suldado kun sa diin, isa ka mataas nga opisyal sang New People’s Army (NPA) apang wala nadakpan.
Ang serbehan kun tani sang search warrant amo si Alyas Ricky Tumabiao, Vice Secretary sang District Committee II sang Southern Front- Komite Rehiyon – Panay apang nakapalagyo kag ang asawa sini nga si Victoria amo ang natigayon nga na-aresto kag nakuhaan sang armas kag NPA paraphernalia.
Magluwas sa nasambit nga operation, wala na sang iban pa nga insidente kag nangin madinalag-on ang turn out sang eleksyon.
Nagpasalig si Apitong nga tubtob nga indi matapos ang tanan nga aktibidad sa eleksyon, indi mag-untat ang deployment sang mga suldado.
Sa bahin sang Aklan, gingamit ang black hawk sang Philippine Air Force sa pagkuha sang mga election paraphernalia sa malayo kag mabudlay nga lugar.
