ILOILO CITY- Ginkasubo sang business sector ang rekomendasyon sang Regional Tripartite Wage and Productivity Board (RTWPB)-6 nga pataasan sa P450 ang minimum wage sang mamumugon sa Western Visayas gikan sa P395.
Sa interview sang Bombo Radyo kay Engr. Terrence Uygongco, spokesperson sang business organization nga Iloilo Economic Development Foundation Inc. (ILEDF), iya ginpahayag nga tuman ka bug-at ang amo nga pagpataas sang sweldo ilabi pa nga halos tanan nga negosyo ang amat-amat pa lang nga nagabutwa gikan sa pandemya.
Apang suno kay Uygongco, wala sila sang mahimo kun madayon gid man ini.
Ginplastar naman niya nga pila sa mahimo nga mangin epekto sini amo ang pagbuhin sang mga empleyado sang iban nga mga establishments kag ang pagpataas sang presyo sa ila mga produkto apang ginpasalig man niya nga indi man ini mangin tuman ka dako nga mabug-atan gid ang mga consumers.
Nahibaluan nga sakop sang P450 minimum wage increase amo ang non-agricultural, industrial kag commercial sector nga may yara sang masobra sa 10 ka empleyado.
Apang sa mga sektor nga may empleyado nga mas manubo sa 10 ka mga empleyado, ang increase yara sa P420.
Ang rekomenasyon ang yara na subong sa National Wage Productivity Commission (NWPC) para sa review kag approval.
