ILOILO CITY – Nagpaandam ang isa ka international credit rating agency kay presumptive president Ferdinand Marcos Jr. sa plano sini nga pagpanubo sang presyo sang kilo sang bugas kag pag-amyendar sang Rice Tariffication Law (RTL).
Sang nagligad nga bulan, ginpromisa ni Marcos nga i-impose ang P20 tubtob P30 sa kada kilo sang bugas kag manduan niya ang National Food Authority (NFA) nga baklon ang palay sang mga local farmers sa mataas nga presyo kag ginpromisa man sini ang pag-amyendar sang RTL agud nga makabenepisyo ang mga local farmers kag amat-amat na nga untaton ang pag-import sang bugas.
Suno sa Fitch Ratings, ang nasambit nga tikang ang makatuga sang revenue erosion.
Ang Pilipinas ang may yara sa gihapon nga “BBB” rating sa Fitch, isa ka investment grade apang may negatibo nga panan-awan pagkatapos sang pag-agi sang pandemya.
Bangud sini, mabudlayan nga magpangutang ang Pilipinas sa iban nga pungsod kag maiwat ang foreign investors.
Ang pag-amyendar sang Rice Tariffication Law ang maka-epekto sa rice imports kag magaresulta pa sa pagtaas sang presyo sang humay kag maka-apekto sa tax revenue.
