ILOILO CITY – Ginakabalak-an nga madamo sang madulaan sang trabaho kag maghinay ang pagsanyog sang ekonomiya kun padayon nga sirado ang mga eskwelahan sang pungsod.
Ini ang paandam sang Asian Development Bank (ADB).
Suno sa ADB, ang indi pagbukas sang mga eskwelahan ang makaapekto sa formative years sang mga kabataan nga makaapekto man sa employment opportunities sa ulihi.
Ang epekto sa global gross domestic product (GDP) kag employment sang pungsod ang ginapanan-aw nga magataas pa kun padayon nga sirado ang mga eskwelahan.
Suno sa ADB, ang global GDP ang mabuhinan sang 0.19 percent sa 2024, 0.64 percent sa 2028, kag 1.11 percent sa 2030.
Diri sa Pilipinas, suno sa ADB, ang prolonged school closures ang magaresulta sa 4.5-percent nga kapyerdehan sa kita sa ginabanta 32.44 million nga unskilled labor nga mas madamo pa sa 10.09 million skilled laborers sa pungsod sa maabot nga 2030.
Ginapan-aw man nga magnubo sa 3.27 percent ang GDP sang pungsod.
