ILOILO CITY – Nagpaandam ang Iloilo City Police Office (ICPO) sa pumuluyo sang syudad nga yara pa kita sa gihapon sa election period apisar nga natapos na ang proklamasyon sang mga local winners.
Sa interview sang Bombo Radyo kay PMaj. Shella Mae Sangrines, spokesperson sang ICPO, iya ginpahayag nga sa Hunyo 8 pa matakop ang election period.
Bangud sini suno kay Sangrines, ginapatuman sa gihapon ang Commission on Elections (COMELEC) gunban.
Indi pa mahimo nga magdala sang armas ukon matalom nga bagay ang mga residente apisar nga may Permit to Carry Firearms Outside of Residence (PTCFOR) kag wala sang certificate of authority.
Sa Western Visayas, sa pinakaulihi nga data sang Police Regional Office (PRO) -VI, nagdangat na sa 205 ka mga indibidwal ang natigayon nga madakpan bangud sa paglapas sang Comelec Resolution No. 10728 ukon COMELEC gun ban.
