ILOILO CITY – Nagpanawagan ang Iloilo City Police Office (ICPO) sa pumuluyo sang syudad nga likawan ang pagtuga sang kinagamo ilabi na sa mga supporters sang mga kandidato nga nagdaog nga nag-inom agud nga magselebrar kag maglab-ot sa kinagamo.
Sa interview sang Bombo Radyo kay PMaj. Shella Mae Sangrines, spokesperson sang ICPO, iya ginpahayag nga apisar nga responsibilidad sang mga kapulisan nga ipabilin ang kalinong kag katawhay sang syudad apang kinahanglan nila ang bulig kag kooperasyon sang mga pumuluyo.
Suno kay Sangrines, ang mga pumuluyo ang dapat man nga magbantay sang syudad kag likawan gid ang paglapas sang mga layi.
Samtang, sa matabo nga transition period sang mga local officials, pasiguraduhon sang ICPO nga wala sang may magsabotahe sini.
