ILOILO CITY – Nagsarurot ang imbentaryo sang bugas sa pungsod.
Suno sa Philippine Statistics Authority (PSA), nagnubo sang -21.5 ang inventory sang bugas humalin sang Marso 1 subong nga tuig ukon 1.6 milyon metric tons sang kabilugan nga rice stock inventory kung ipaanggid sa masobra 2 million metric tons nga inventory sang Marso 1, 2021.
Nagnubo man sa -41.1% ang year rice stock inventory sang National Food Authority (NFA) sa ila nga nga depositories.
Samtang ang stock sang bugas sa mga balay ang nagnubo man sa -29.7%.
Sa pihak sini, nagtaas sang 4.6% ang inventory sang bugas sa commercial warehouse ukon sa mga traders sang bugas.
Magluwas diri, nagnubo man sa -28.7% ang inventory sang mais ukon 448,000 metric tons halin sa 628,000 metric tons nga inventory sadtong Marso 1, 2021.
