ILOILO CITY – Indi na mabudlay para sa mga manunudlo sang Alternative Learning System (ALS) Program ang bag-o nga modality sang pagtudlo sa Pilipinas bangud sa nagapadayon nga pandemya.
Sa interview sang Bombo Radyo kay Marillete Almayda, Director III sang Bureau of Alternative Learning System sang Department of Education, iya ginpahayag nga sa ALS ang modular na antes pa man ang pandemya.
May yara man ini sang radio-based kag TV-based nga modality.
Ginadul-ong sang mga manunudlo ang mga modules sa mga estudyante.
Bangud sini, sang gin-adopt sang normal education ang modular learning, wala na nag-adjust pa ang mga manunudlo sa ALS.
