ILOILO CITY – Sigurado na nga makakuha sang bronze medal ang tanan nga siyam ka mga boksidor nagikan sa Pilipinas sa nagapadayon nga 31st Southeast Asian Games sa Hanoi, Vietnam.
Ini bangud nga tanan sila ang lunsay nga nakalab-ot na sa semifinals sa ila tagsa ka division.
Nagdaog si Tokyo Olympics silver medalist Nesthy Petecio batuk sa kontra sini sa women’s 60kg ukon sa lightweight division.
Ang isa pa ka Olympian nga si Irish Magno sang Janiuay, Iloilo ang nagdaog man sa women’s 51kg ukon flyweight category quarterfinals.
Ang Tokyo Olympics bronze medalist nga si Eumir Marcial ang magasambuwa na sa finals sa 75kg ukon middleweight division.
Samtang, si 2016 Rio Olympian Rogen Ladon ang maga-advance naman para sa finals sa men’s 52kg ukon flyweight category.
Kabahin man sang mga sigurado na nga makakuha sang bronze medals amo si Ian Clark Bautista kag Marjon Piañar.
Samtang, nalutos naman sanday James Palicte, Riza Pasuit kag Josie Gabuco apang sigurado na ang bronze medal.
Nahibaluan nga pulo ang ginpadala sang Pilipinas sa boxing event apang ang women’s 75kg ukon ang middleweight division tournament ang ginkanselar bangud duha gid lamang ang nagpasakop kun sa diin, isa diri ang Filipina boxer nga si Hergie Bacyadan
