ILOILO CITY- Nagapadayon ang contact tracing sang Iloilo Provincial Government sa mga tawo nga posible nga nakaupod sang duha ka mga pasyente nga na- infect sang Omicron sub-variant BA.2.12.1.
Base sa data sang Department of Health (DOH) Region 6, ang duha ka local cases ang ginalakipan sang isa ka 69-anyos nga lalaki nga taga-Pavia samtang ang isa ka local case amo ang isa ka 66-anyos nga lalaki nga taga- Zarraga.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga ini nga mga kaso sang bag- o nga variants nga narekord sa probinsya ang indi man kinahanglan nga magtuga sang kakugmat sa publiko.
Suno kay Defensor, ang focus subong sang probinsya amo ang pagbakuna agud nga handa ang pumuluyo sa ano man nga sahi sag COVID 19 variants.
Ginpahayag niya nga padayon ang pagpatuman sang probinsya sang surge prevention kag management sang balatian.
Ginpasiguro man sang gobernador nga handa man mga quarantine facilities amo man ang provincial government nga maghire sang personnel ano man nga oras kag may mga vaccinators naman nga nakahanda kag may mga bulong naman nga naplastar na.
