ILOILO CITY- Nag-file sang petition for recount ang napierde nga vice-mayoral candidate sang San Lorenzo, Guimaras.
Ini amo si former Board Member Wilme Denila nga ginlutos sang iya kasumpong nga si incumbent Vice Mayor Jun Cordero sa duha gid lamang ka boto- si Cordero may 6,935 samtang si Denila ang may 6,933.
Sa interview sang Bombo Radyo kay Denila, iya ginpahayag nga katuyuan sang petisyon amo nga hibaluon ang kamatuoran kasunod sang alegasyon sang iregularidad sang adlaw sang eleksyon.
Suno kay Denila, dako nga palaligban kun ngaa tuman ka damo sang mga balota nga rejected sang Vote Counting Machines (VCM).
Ginpahayag niya nga may yara sang 16,086 ka actual voters apang ang combined votes nila nga duha ni Cordero ang yara lang sa 13,868 ukon may diperensya gid nga
2218, kag sa sini nga numero, 1057 ang rejected nga balota gani may nabilin pa na 1161.
Dugang ni Denila, nagalaum ini nga mapamatian ang iya hingyo para sa recount kag ginpasiguro niya nga batunon kun ano man ang mangin resulta sini.
