ILOILO CITY – Nagalaum ang showbiz couple nga sanday Miss Universe Philippines 2020 Rabiya Mateo kag Jeric Gonzales nga makaupod sila sa isa ka romantic-comedy project.
Suno sa duha, gusto nila nga mag-partner sa isa ka “light project” nga movie sa ulihi.
Sila ang una nga nagkitaay sa isa ka set sang isa ka project sang November 2021 kag nagpadayon ang communication tubtob nga sang Marso 16, ginkumpirma na ang ila nga relasyon.
Duha ka adlaw ang nagligad, madamo ang naggwa nga espekulasyon sa social media sa cryptic post sang Ilongga beauty queen nga gin-angut sa relasyon sang duha.
Apang tubtob subong, wala pa naghatag sang komento ang celebrity couple.
