ILOILO CITY – Proud kag malipayon si outgoing President Rodrigo Duterte sa nangin resulta sang campaign sang Philippine national team sa 31st Southeast Asian Games sa Hanoi, Vietnam.
Suno kay Duterte, ang pagkadto pa lamang sa Vietnam agud nga i-representar ang pungsod ang isa na ka dungog.
Malipayon man ini bangud madamo ang medalya nga nakuha sang Pilipinas.
Ini ang pahayag ni Duterte sa isa ka ceremonial event sa Malacañang.
Ginhatagan sang presidente sang Order of Lapu-Lapu with the Rank of Kamagi ang mga medalists kag subong man, naghatag man sang incentive para sa mga Filipino athletes.
Ginbaton man sang presidente ang isa ka bag-o nga national team nga jacket nagikan sa Philippine Sports Commission.
Nahibaluan nga nagdangat sa 52 ka gold medals kag kabug-usan nga 227 ka mga medalya.
