ILOILO CITY – Nagpanugyan ang Department of Health (DOH) nga indi pa mahimo nga ma-lift ang state of calamity sa pungsod bangud sang COVID-19.
Suno kay Health Undersecretary Maria Rosario Vergeire, ang lifting sang state of calamity ang ginadiskusyunan pa sang mga government agencies bangud sang pila ka mga konsiderasyon.
Ang isa sa halimbawa sang operational implication sa tion nga ma-lift na ang state of calamity amo nga indi na mangin epektibo ang emergency use authorization (EUA) sang Covid-19 vaccines sa pungsod.
Gina-assess pa sang DOH ang vaccination coverage partikular na ang mga nakabaton sang booster shots.
Suno kay Vergerie, kinahanglan nga mapataas ang numero sang mga nakabaton na sang booster shots.
Ginakonsiderar man sang DOH ang pagsulod sang bag-o nga mga subvariants sa pungsod.
Ang state of calamity sa pungsod ang magalawig pa tubtob sa Setyembre subong nga tuig.
