ILOILO CITY – Lauman sa masunod nga semana ang liwat nga pagsaka sang presyo sang produktong petrolyo lakip na ang presyo sang tinapay.
Ini ang bangud sa gihapon sa epekto sang gyera sa Ukraine.
Base sa una nga apat ka adlaw sa world trade market, masobra sa P2 ang ginsaka sa presyo sang gasolina samtang halos P6 naman sa presyo sang diesel.
Ini ang epekto sang pag-ban sang Russian oil imports sa mga pungsod sa Europe gani mangita sila sang iban nga source sang produktong petrolyo.
Suno kay Department of Energy Director Rino Abad, sa masunod nga isa tubtob duha ka semana, lauman ang pagsaka sang presyo.
Sa tinapay naman, ginalauman nga magsaka ang presyo sini sang P4 bangud sang pagmahal man sang presyo sang LPG, margarine, mantika, kalamay kag iban pa nga galastuhan sa bread production.
Nahibaluan nga 30% man sang suplay sang wheat ang nagikan sa Ukraine.
