ILOILO CITY – Natalana nga magpagwa sang executive order si Iloilo governor Arthur Defensor Jr. may kaangtanan sa vaccination program sang probinsya nga naka-angut sa nutrition program.
Sa interview sang Bombo Radyo kay Defensor, iya ginpahayag nga ang paghatag sang incentive sa vaccination program nga nakasandig sa nutrition program sang probinsya ang nagasanto man sa programa sang Department of Health (DOH).
Samtang, suno sa gobernador, manubo ang kaso sang COVID-19 sa probinsya subong man ang average daily attack rate (ADAR) kag growth rate.
Apisar sini, padayon ang kampanya sang probinsya may kaangtanan sa COVID-19 vaccination.
