ILOILO CITY – Madayon sa gihapon ang term-ender seminar sang mga department heads kag chiefs of hospital sang Iloilo provincial government apisar nga wala pa sang nakita nga venue.
Sa interview sang Bombo Radyo kay Iloilo governor Arthur Defensor Jr., iya ginpahayag nga nagahulat lang sila sang maayo nga tyempo agud nga matigayon ang amo nga seminar.
Ini ang ginkaselar sang nagligad nga bulan bangud sang indi maayo nga tyempo kag sa pagkamatuod, nag-ulan sa isla sang Boracay nga amo kuntani ang venue sang amo nga tion.
Dugang pa sang gobernador, ang isa pa ka rason amo nga madamo pa sang pending nga ulubrahon sa kapitolyo lakip na ang dengue kag COVID-19 campaign.
Sa pihak sini, tinguha-an sang provincial government nga madayon gid ini.
Importante suno kay Defensor ang amo nga seminar bangud magaserbe man ini nga mid-year assessment kag magamit ini sa masunod nga termino.
Ang mangin output sang seminar ang basehan para sa pala-abuton nga mga trabaho.
Importante man suno sa gobernador nga ma-isolate ang mga empleyado halin sa adlaw-adlaw nga environment.
Suno pa sa ila, may epekto sa psychology sang tawo ang paglain sang environment kag pag-untat anay sa ila naandan nga trabaho.
