17 ka tuig matapos una nga nadag-an ang French Open title sang 2005, ginapamatud-an sa gihapon sang 36-anyos nga Spanish tennis player nga si Rafael Nadal nga siya ang naga-dominar sa iya paborito nga tennis tournament.
Ginpierde ni Nadal sa 14th French Open ang 23-anyos nga si Casper Ruud sang Norway sa score nga 6-3, 6-3, 6-0 sa sulod sang duha ka oras kag 18 minutos.
Si Nadal ang pinakatigulang nga player nga nakadaog sa French Open.
Ini naman ang iya nga ika-22 nga Grand Slam title. Matandaan nga daog man si Nadal sa Australian Open sang Enero.
Abanse na siya sang duha ka Slam titles sa iya rivals nga sanday Novak Djokovic kag Roger Federer nga lunsay may 20.
