ILOILO CITY – Mahimo na nga maagyan ang Ulian Bridge sa Barangay Tinocuan, Dueñas, Iloilo matapos nga nag-usmod ang approach sini sang naglabay ang isa ka cargo truck kagina sang aga.
Sa interview sang Bombo Radyo kay Police Major Rey Pabalan, hepe sang Dueñas Municipal Police Station, iya ginpahayag nga ang mga magagmay gid lamang nga 4 wheel vehicles ang makalabay kag one way gid lamang ang maagyan.
Suno pa kay Pabalan, nagapadayon subong ang construction sang taytay sang matabo ang insidente.
May mga pulis naman nga nagabantay sa lugar agud nga magbulig sa pagdelihir sang mga naga-agi nga salakyan.
Ang Ulian Bridge ang mayor nga alagyan sang mga motorista kun magpadulong sa Passi city halin sa syudad sang Iloilo kag vice versa kag nagbatyag sang nag-igo ang bagyong Agaton.
