ILOILO CITY – Gindeklarar nga “persona non grata” sa Quezon City ang komedyante nga si Ai-Ai Delas Alas kag short film director nga si Darryl Yap.
Ang resolution ang gin-aprubahan sang Quezon City Council bangud sang akusasyon nga indi pagrespeto sang duha sa official seal sang nasambit nga syudad.
Ang resolution ang gin-sumite ni District IV Councilor Ivy Lagman.
Nag-ugat ini sa duha ka minutos nga video nga gin-post sang direktor nga naga-feature sang character nga may pangalan nga “Ligaya Delmonte”.
Gin-feature man sa amo nga video ang official triangular seal sang Quezon city apang gin-edit na.
Ini ang gin-post bilang campaign video para kay Anakalusugan Party-list Rep. Mike Defensor nga nagpadalagan bilang alkalde sang Quezon City apang nalutos batuk kay incumbent Mayor Joy Belmonte.
