ILOILO CITY – Ginkadlawan gid lamang sang aktres nga si Liza Soberano ang huring-huring nga nagbulagay na sila sang iya long-time boyfriend nga si Enrique Gil.
Suno sa anay manager ni Liza nga si Ogie Diaz, wala nagbulagay ang celebrity couple kag natabuan lang nga lain-lain nga pungsod ang ginkadtuan sang duha.
Si Enrique ang nagpadulong sa Spain sa iya pamilya upod ang iya iloy kag utod samtang si Liza naman ang yara sa iya bag-o nga management group sa Hollywood sa pagpanguna ni James Reid.
Ang celebrity couple ang magkarelasyon na sa malapit walo na ka tuig.
Suno pa kay Ogie, sugaton ni Enrique si Liza sa airport sa tion nga magpauli ini sa Pilipinas halin sa Los Angeles.
Ang isyu sang pagbuganay sang duha ang nag-ugat sa isa ka blind item kun sa diin, may yara sang celebrity couple nga nagbulaganay bangud sang cheating.
