ILOILO CITY – Ang pagkontrol sang pagtaas sang presyo sang mga balaklon ang nagapanguna nga “urgent national concern” sa subong basi sa survey sang OCTA Research Group.
Sa ginpatigayon nga survey sang Marso 25, 52% sang mga respondents ang nagpahayag nga dapat solusyunan sang gobyerno ang pagsipa sang presyo sang mga balaklon.
Ang ikaduha nga urgent national concern amo ang pagpasaka sang sweldo nga may 43% nga ginsundan sang access sang pagkaon kaangay sang bugas, utan kag karne nga ginsabat sang 41% sa mga respondents.
Suno kay OCTA fellow Ranjit Rye, importante nga masolusyunan ini sang gobyerno.
Ginapanan-aw nga amo man ini sa gihapon ang sentimyento sang publiko sa incoming administration kag mangita man ang pagtaas sang trend sang isyu may kaangtanan sa inflation.
Suno naman kay George Siy, pinuno sang Integrated Development Studies Institute, indi man direkta ang epekto sang gyera sa tunga sang Russia kag Ukraine apang dako naman ang epekto sini sa inflation.
