ILOILO CITY – Nagpanawagan ang Commission on Human Rights (CHR) sa mga indibidwal nga magdangop sa ila opisina kun may ma-eksperyensyahan nga anuman nga human rights abuses nga may kahimuan sang katapo sang Philippine National Police (PNP) kag iban pa nga mga ahensya sang gobyerno.
Ini ang sa tunga sang wala sa gihapon nasolbar nga mga paglapas sa tawhanon nga kinamatarong kag nagakatabo nga extra judicial killings (EJK).
Sa interview sang Bombo Radyo kay Atty. Jonnie Dabuco, director sang CHR Region 6, iya ginpahayag nga tanan nga mga kaso nga gindangop sa ila ang ginapaagi sa maid-id nga evaluation.
Suno kay Dabuco, indi tanan nga mga ginadangop sa ila nga reklamo ang ila nga imbestigaran.
Ginpahayag ni Dabuco nga katungdanan man sang CHR nga masulosyunan kag madangop sa nagaka-igo nga opisina sang gobyerno ang ginabaton nila nga mga reklamo.
Gin-athag man sang natungdan nga nagahatag man ang CHR sang libre nga legal advice para sa nagkalain-lain nga pagkinahanglan.
Lakip sa ginahatag nga bulig sang komisyon amo ang paghimo sang pleadings, simple nga legal advice kag paghimo sang sulat para sa mga opisina kun ang isyu sang kliyente ang indi sakop sa mandato sang CHR.
