ILOILO CITY – Ginalauman nga magdangat na sa halos P100 ang presyo sang kada litro sang produktong petrolyo sa padayon sa gihapon nga pagsaka sang presyo sa ika-apat nga semana sa gasolina kag ika-lima nga tion sa diesel kag kerosene.
Sa advisory nga ginpagwa sang oil companies, yari ang pagsaka sang presyo epektibo bwas nga adlaw, Hunyo 28:
ang gasolina ang magasaka sang P0.50 sa kada litro;
ang diesel ang magasaka sang P1.65 sa kada litro; kag
ang kerosene ang magasaka sang P0.10 sa kada litro.
Sa data nagikan sa Department of Energy (DOE), ang year-to-date adjustment ang nagsaka sa net increase nga P29.50 sa kada litro sang gasolina, P44.25 sa kada litro sang diesel kag P39.65 sa kada litro sang kerosene as of June 21, 2022.
Suno kay Energy Undersecretary Gerardo Erguiza Jr., ang pagtaas sang presyo sang gatung ang bangud sang global demand kag geopolitical tension sa tunga sang Russia kag Ukraine.
