ILOILO CITY – Nag-abot na ang Philippine men’s national basketball team as New Zealand, pila ka adlaw antes ang hampang batuk sa host nation sa FIBA World Cup Asian Qualifiers.
Nag-ensayo anay ang Gilas Pilipinas sa ila pag-abot sa Eventfinda Stadium sa Auckland.
Makasumpong sang Pilipinas ang New Zealand sa Huwebes, Hunyo 30 agud bawion ang 88-63 defeat sang Pebrero.
Pamunuan ni Coach Nenad Vucinic ang 11 player-team.
Si Ateneo center Ange Kouame ang wala nakaupod bangud sang knee injury samtang ang mga PBA players ang wala man bangud nagsugod na ang professional season.
Kabahin sang players amo sanday Kiefer Ravena, Carl Tamayo, Kevin Quiambao, Geo Chiu, Will Navarro, RJ Abarrientos, SJ Belangel, Rhenz Abando, Lebron Lopez, Dwight Ramos kag Dave Ildefonso.
Pagkatapos sang hampang batuk sa New Zealand, magabalik sa Pilipinas ang Gilas kag mangin kasumpong naman ang India sa Hulyo 3 sa Mall of Asia Arena.
Ang Gilas ang may yara sang 1-1 record sa Group A matapos nga nalutos ang India sang Pebrero antes ginlutos sang New Zealand.
Ang South Korea ang na-disqualify bangud napaslawan ang mga ini nga magpasa sang team sa last window bangud sang COVID-19 issues.
