ILOILO CITY – Magasugod na ang Philippine men’s Under-19 team sa ila nga 2022 AFF U19 Championship campaign batuk sa Thailand.
Ang tournament ang hiwaton sa Jakarta, Indonesia nga magasugod alas-sais karon sa gab-i.
Ang 24-man team ang pamunuan ni Southeast Asian (SEA) Games standouts midfielder nga si Sandro Reyes kag defender nga si Jaime Rosquillo.
Mangin kabahin man sang team sanday Uriel Dalapo, Cyrelle kag Syron Saut kag Dominic Tom nga mga players sang bag-o lang natapos nga PFF U19 Boys National Championship – First Division.
Ang iban pa nga kabahin sang team amo sanday Karl Absalon, Andres Aldeguer, Kamil Amirul, Jerome Ang, Nathan Bata, Lance Bencio, Anthony Carino, Mark Dadivas, Haren De Gracia, John Do, Justin Frias, Cian Galsim, Jose Gonzales, John Jalique, Harry Nunez, Antione Ortega, Zachary Taningco kag Eugene Tillor.
Ang Pilipinas ang kabahin sang Group A upod ang host country nga Indonesia, Myanmar, Vietnam, Thailand kag Brunei Darussalam.
Ang hampang ang hiwaton sa Gelora Bung Karno Madya Stadium sa Jakarta kag sa Patriot Candrabhaga Stadium sa Bekasi.
Pamunuan ni Coach Christopher Pedimonte ang national team.
Suno sa Philippine Football Federation, ang team ang nagtapos sang month-long training camp sa University of Makati Stadium bilang pagpanghanda sa competition.
