Panibag-o nga bulawan nga medalya ang nakuha ni Pinoy pole-vaulter EJ Obiena sa Jump and Fly Meet sa Germany.
Nalampasan sini ang 5.80 meters kag gin-dominar ang three-player field.
Ini na ang iya nga ikaduha nga gold medal sa sulod lang sang isa ka semana kag ika-anum naman nga gold medal subong lang nga tuig.
Ang isa niya ka gold (subong nga semana) ang nadag-an niya sa Taby Stavhoppsgala sa Sweden sang Hunyo 29.
Sa Germany, na-clear ni Obiena ang 5.20m, 5.40m, kag 5.60m, kag tatlo ka beses nga nag-attempt antes na-clear ang 5.80m.
Gintinguhaan man sang 26-anyos nga atleta nga gub-on ang Asian record nga 5.93m (record nga siya man mismo ang nagauyat) apang tatlo ka beses man siya nga napaslawan nga ma-clear ang 5.94m.
China ang nakakuha sang silver medal samtang Germany naman ang nakabulsa sang bronze.
