ILOILO CITY – Nagaplano ang Marcos administration nga magtanyag sa private sector nga pamunuan ang management kag operation sang mga airports bilang kabahin sang initiative sa pag-revive sang public-private partnerships.
Suno kay Finance Secretary Benjamin Diokno, ang pagtanyag sang operasyon sang mga airports ang makabulig sa pungsod sa pagpasangkad sang fiscal space.
May yara sang mga airports suno kay Diokno nga mahimo nga i-tanyag para sa unsolicited ukon solicited proposals sa diin ang mga pribado nga sektor ang maga-operate sang mga airports.
Ginhalimbawa sang opisyal ang Bohol International Airport.
Suno sa iya, sa tion nga ang private sector ang magapadalagan sini, mas maganami pa ang operasyon kag management sini.
Una na nga nagpahayag si Socioeconomic Planning Secretary Arsenio Balisacan nga plano nga pag-reinvigorate, reexamine kag pagbalik sang PPPs.
