Indi makahampang sa FIBA Asia Cup sa Indonesia ang isa sa best players sang Gilas Pilipinas.
Suno sa Samahang Basketbol ng Pilipinas (SBP), indi makaupod si Dwight Ramos sa continental showpiece bangud sa medial tibial stress syndrome ukon shin splints. Wala man ini nakaupod sa practice sang squad.
Buslan ni Rhenz Abando si Ramos agud nga kumpleto sa gihapon ang 12-man lineup sang team.
Duha ka tuig na ang nakaligad umpisa sang nag-upod si Ramos sa Gilas Pilipinas. Sa apat ka hampang sang team sa FIBA World Cup Asian Qualifiers, nag-average si Ramos sang 15.5 points, 7 rebounds, 2.8 assists, kag 2.5 steals.
Magaumpisa ang Gilas Pilipinas sa Asia Cup campaign sa Group D batok sa Lebanon sa Myerkules, Hulyo 13, antes sini atubangon ang India kag New Zealand sa Hulyo 15 kag 17.
Maga-bangko man ang team sang Gilas kanday Thirdy Ravena, Poy Erram, Bobby Ray Parks Jr., Kiefer Ravena, Carl Tamayo, SJ Belangel, RJ Abarrientos, William Navarro, Francis Lopez, Geo Chiu, kag Kevin Quiambao.
