Sa ikaduha nga tion, dungan nga magabalik sa entablado sanday Miss Universe 2018 Catriona Gray kag Miss Grand International 2016 first runner-up Nicole Cordoves bilang mga host sang Binibining Pilipinas pageant.
Sang 2021, naghimo sang ‘herstory’ ang duha sang sila man ang nangin labing-una nga all-female hosting tandem sang amo nga national pageant.
Magaupod man ang isa pa ka beauty queen, si Miss Grand International 2020 first runner-up Samantha Bernardo, amo man ang Filipino-British actor-host nga si Edward Barber nga amo naman ang naka-assign para sa online viewers.
Ang country’s Kings of Pop nga SB19 (nga amo ang nagkanta sang brand-new Bb. Pilipinas theme song nga “Win Your Heart”) ang maga-perform man sa coronation night.
Si Miss International 2005 Precious Lara Quigaman ang maga-serbe man bilang isa sa mga judge sa sini nga tuig.
May 40 ka mga matahum nga mga beauty queens nga maga-compete para sa apat ka mga korona: Bb. Pilipinas International, Bb. Pilipinas Intercontinental, Bb. Pilipinas Globe, kag Bb. Pilipinas Grand International.
Patigayunon ang grand coronation night sa Hulyo 31 sa Smart Araneta Coliseum.
Balik-entablado man ang pambato sang Iloilo nga si Karen Laurrie Mendoza nga nangin top 13 finalist sang nagligad nga tuig.
Matandaan nga isa man sa nangin dulumdumon nga natabo sa Binibining Pilipinas 2021 pageant amo ang pamangkot ni Boy Abunda kay Mendoza nga, “When is it okay not to be okay and when is it not okay to be not okay?”
