ILOILO CITY- Nagsugod na subong nga adlaw ang public viewing sang urn ni anay Catholic Bishops’ Conference of the Philippines (CBCP) President Archbishop-Emeritus Angel Lagdameo.
Sa interview sang Bombo Radyo Iloilo kay Father Angelo Colada, director sang Commission on Social Communications sang Archdiocese of Jaro, iya ginpahayag nga ma-view ang urn ni Lagdameo sa Jaro Metropolitan Cathedral.
Bukas ini umpisa 6:30 sang aga tubtob las 10:00 sang gab-i.
Temporaryo naman untaton ang public viewing sa tion nga may hiwaton nga misa.
Magalawig ang public viewing tubtob Hulyo 19 nga amo ang adlaw sang iya lubong.
Sa nasambit nga adlaw, may patigayunon nga Funeral Mass las 9:00 sang aga.
Ibutang naman ang urn ni Lagdameo sa columbarium sa too nga porsyon sang Jaro Metropolitan Cathedral.
