Nagpasalig ang Chinese embassy sa Manila nga handa ini magbulig sa Pilipinas pag-abot sa mga proyekto sang gobyerno sa imprastraktura.
Sa statement nga ginpagwa sang embahada, ginpahayag nga may yara sang “comprehensive strength” ang China kag kilala sa ila nga kalidad kag kadasig.
Ginpaguwa ang pahayag sang embahada pila ka adlaw matapos nga ginpahayag man ni Undersecretary Cesar Chavez sang Department of Transportation nga wala sang ginhimo ang Chinese government sa request sang Duterte administration para sa loan financing para sa tatlo ka major railway projects sa pungsod.
Sa pahayag ni Chavez, “nag-atras” ang China sa pagpondo sa Laguna-Bicol, Subic-Clark, kag Mindanao Railway projects.
Una naman nga nagmandu si President Ferdinand Marcos, Jr. nga i-negosyar liwat ang amo nga kasugtanan sa China.
Suno naman sa Chinese embassy sa Pilipinas, bukas ang China sa technical discussions sa government-to-government projects kag handa man nga mag-trabaho upod ang bag-o nga administrasyon.
Ginpahayag man sang China nga may 17 na ka proyekto nga natapos na kag may 20 pa nga “under implementation or in progress.”
