Epektibo na subong nga adlaw ang panibag-o nga big-time rollback sa presyo sang produktong-petrolyo.
Yari ang ginbuhin sa presyo:
GASOLINA – maganubo sang P5 kada litro
DIESEL – maganubo sang P2 kada litro
KEROSENE – maganubo sang P0.70 kada litro
Ini na ang ikatatlo nga semana sang asud-asud nga pagnubo sa presyo sang gatong.
Sa interview sang Bombo Radyo kay Department of Energy-Oil Industry Management Bureau Director Rino Abad, iya ginpahayag nga pila sa mga rason sang rollback amo ang lockdowns sa China kag ang interest rate hikes sa Estados Unidos kag sa iban nga mga pungsod.
Apisar sang rollback, kun basehan ang monitor sang Department of Energy, yari ang ginsaka sa presyo sang kada litro sang gatong halin sang una nga bulan sang 2022 tubtub sa katapusan nga price hike:
GASOLINA – nagsaka sang P24.30 per liter
DIESEL – nagsaka sang P36.80 per liter
KEROSENE – nagsaka sang P30.05 per liter
