ILOILO CITY – Napaslawan nga makasulod sa quarterfinals sang 2022 FIBA Asia Cup ang Gilas Pilipinas matapos nga nalutos sang Japan sa score nga 102-91 nga ginpatigayon sa Indonesia.
Sa una nga bahin sang hampang, nag-abanse na ang Japan sang 16 points kag nagtapos ang first half sa score nga 50-34.
Sang third quarter, nalubad sang Gilas ang abanse sa duha apang sang nabilin nga halos apat ka minuto sang 4th quarter, nagdangat sa 28 ka puntos.
Nagtapos ang hampang sa score nga 102-91 pabor sa Japan.
Bangud sini, napaslawan na ang Gilas nga makasulod sa quarterfinals sang tournament.
Si Ray Parks ang naka-score sang 16 points samtang si Kiefer Ravena naman ang naka-contribute sang 15 points samtang si Carl Tamayo naman nga na-fouled out sa fourth quarter ang may yara sang 10 points.
Sunod nga makasumpong sang Japan ang Australia sa quarterfinals samtang sa pihak nga bracket, makasumpong sang South Korea ang New Zealand.
Una na nga ginlutos sang Japan ang Pilipinas sa 2010 Asian Games kag amo man ini ang worst finish sang Pilipinas sa FIBA Asia championship sang humalin sang nagpang-siyam ini sa 2007 edition nga ginpatigayon sa Japan.
