ILOILO CITY – Padayon pa nga nagasaka ang presyo sang mga produkto nga indi sakop sang suggested retail price sa supermarkets.
Ini ang suno sa grupo sang supermarket owners.
Suno kay Steven Cua, pinuno sang Philippine Amalgamated Supermarkets Association, indi mahibaluan kun tubtob san-o ini matabo.
Dugang pa niya, mangin ang tiglikom sang Department of Trade and Industry (DTI) ang indi makahibalo.
Sakop sini ang delata, condiments, noodles, habon kag iban pa nga ginagamit sa sulod sang balay.
Matandaan nga nagtaas ang presyo sang mga balaklon sa tunga sang epekto sang serye sang oil price hikes nga resulta sang gyera sa tunga sang Ukraine kag Russia.
Wala pa sang ginpasugtan ang DTI nga bag-o nga saka sang presyo sang mga produkto nga may SP sa pihak sang pila ka mga petition sang manufacturers.
Una na nga ginpahayag ni DTI Undersecretary Ruth Castelo nga wala nila gina-ipit ang price adjustments bangud lang sang State of the Nation Address (SONA) ni Presidente Ferdinand Marcos, Jr.
